終於都寫到黎40副喇，突然覺得時間過得好快。又發現原來一年前既呢段時間我先岩岩做咨詢，一年後已經有咁大既轉變。
10個月既效果真係好明顯，又係時候黎update下，鼓舞下大家！
戴多15副就到下一階段
早幾日覆診，醫生都係一如以往一分鐘搞掂。
今次醫生話我戴完第55副就唔好再戴落去(我有58副)，佢話最尾個3副係唔戴得既。
即係話，我戴多15副就可以去下一個階段喇。到時就要見顧問醫生，睇下之後點樣再調整。
肺炎帶來的新體會
最近因為武漢肺炎，少左好多出街。
又因為武漢肺炎，我發現保持雙手清潔對於戴牙套既人士真係好重要！因為食野前後都要掂個牙套，如果你隻手帶有病毒，分分鐘病從口入。
如果呢段時間係出面食飯，就一定一定要去廁所洗乾淨隻手先夠膽去掂個口。(之前我用濕紙巾抺下手就算)
延伸閱讀：【隱適美】新手們一定要知道的10個重點
有人問我是否戴「假牙」
早幾日係出面食完飯之後去左廁所洗手、沖下牙套。而我每次戴完牙套會慣性用手撳下個牙套。
「嘩！你戴假牙呀！？」
突然隔離洗手既嬸嬸驚訝問我，就算佢戴住口罩我都感覺到佢有幾愕然。
「唔係呀，牙套黎架。」
「哦～牙套！嚇死我呀，以為你咁後生要戴假牙呀！」
我記得之前都有寫過：有時出街食飯除/戴牙套時都諗會唔會有人用奇異目光望住我，或者以為我戴假牙。
原來真係有人會咁樣以為架。
延伸閱讀：【隱適美】外出必備用品分享
隱適美10個月效果對比
經過左10個月既牙套日子，可以話係愈戴愈輕鬆，加上你已經睇到有好大既改變。
每次見到呢d改變，我都會感謝自己當初做左呢個決定。
正面
對比起一開始，我排牙已經整齊左好多。
條中線亦慢慢返緊黎。
拔牙缺口
下排東歪西倒的牙
下排既牙開始有返曲線，已經唔算「亂」喇。
尤其下面箭咀指住個兩隻牙，之前係打側生。
每次覆診既時候，醫生都會除(扯)個牙套落黎檢查。不過因為下面呢排牙好亂，每次醫生都會扯到排牙好痛。
側門牙
呢隻收埋左係後面既牙仔就愈出愈多喇，尤其呢兩個月更加明顯。
下面係戴左20副同40副既效果，見到差別已經好大。
以前呢隻牙會好頂住我條脷，而家已經冇左呢個感覺喇。
骨釘
不經不覺兩隻骨釘已經陪左我5個月，可幸骨釘冇出現鬆、牙肉亦冇發炎。
唔知幾時要拆佢地出黎呢?
期待下一階段
4月中就再返去覆診一次，預計5月尾就會完成第一階段既55副牙套，到時再見醫生睇下點樣繼續調整。
期望快d到下一個階段。
純屬個人分享， 只供參考，隱適美療程全屬自費。
Pingback: 【Nia箍牙|隱適美】Vol.9「我真的不懂，Invisalign真的可以將裡面的牙弄出來 ?」 | nianiawuu
Pingback: 【Nia箍牙|隱適美】Vol.10 隱適美1個多月效果+感想：第3副已經看到一點點改變! 有瘦?! | nianiawuu
😀 近排點呀
Hello, 我岩岩寫左個新既blog update 進度: https://nianiawuu.com/one-year-invisalign-and-feedback/
可以過去睇下呀:)
Hello你好呀，之前一路都係睇開你嘅文字去睇吓究竟帶透明牙套嘅感覺係如何
我過多兩日終於要拎第一套牙套啦，好緊張😖
你比嘅資訊真係好有幫助👍🏻🙏🏻
多謝你既支持, 恭喜你終於都拎得牙套呀! 諗起都覺得好期待
話唔定你又會有另一番既體驗
加油呀!!
我戴左第一個牙套5日啦，好唔慣🙈講野發s/c嘅音黐脷筋咁😂已經心裡邊諗點解人要咬野進食 一除牙套好酸軟😫
haha我一開始都好辛苦，好懷疑人生，完全唔想食嘢。不過好快就會冇事架喇🤪
加油呀 我最近都比左錢整隱適美
已經等左一個月了 仲未有牙套
唔知會唔會疫情影響會耐d先到香港
多謝你呀, 大家一齊加油
疫情都可能會有影響, 我本來下個月約左洗牙都因為咁而取消左
加油呀 我最近都比左錢整隱適美
已經等左一個月了 仲未有牙套
唔知會唔會疫情影響會耐d先到香港