Blog

戴到第17副，又到左覆診既日子。

今次終於都知道就快要迎接骨釘既到來，不安感又開始出現。

你下次就要打喇

話說我一直都唔知自己幾時要落骨釘，一直都側側膊唔想面對呢件事。呢次襯覆診就要問下醫生，冇得唔去面對。

「醫生，我駛唔駛落骨釘呀？」

「要呀，你下次就要落骨釘喇，係上排兩側。」

估唔到一問就係下次。

其中一樣我唔係幾滿意呢間診所既原因，就係我永遠唔知我下一步要做咩、幾時做。如果由一開始就可以話我知成個療程大概個flow係點，我就會安心好多。

骨釘的作用

骨釘其實係迷你螺絲。牙醫會將骨釘植入齒槽骨，作用係提供一個施力既固定點以拉動牙齒。

好似我個case咁，骨釘既作用就係將上排既門牙向後拉，收返剝牙既缺口。

完成箍牙後醫生就會將骨釘移除，骨釘既缺口會自行復原。所以裝骨釘係臨時性既。

等我打完大佬先再返黎分享

約左兩星期後就返診所打骨釘，又期待又有d驚，睇黎呢種心情又要折磨我一輪喇。

冇咩心情打咁多野喇，等我打完骨釘凱旋歸來再慢慢分享。

延伸閱讀：【Nia箍牙|隱適美】Vol.15 抱著忐忑的心情去打骨釘　原來好輕鬆！

純屬個人分享， 只供參考，隱適美療程全屬自費。