一年前啱啱開始箍隱適美，冇諗過一年後啲牙已經有咁大既改變。每次見到啲對比圖就會覺得好神奇，原來我都值得擁有haha！
而家嘅我已經夠膽大笑，唔會好似以前咁會就住就住。小小總結一年既心得係：原來箍牙冇想像中咁痛、只要努力就可以快d見到效果、現實同想像真係會有出入、好想快d箍完。
延伸閱讀：【Nia箍牙|隱適美】Vol.2 終於決定做隱適美(咨詢過程+價錢)
由於我每日好勤力戴牙套，所以我只需大約一年就完成第一階段療程(55副牙套)。
一年前後對比
現實與想像的偏差
我喺【隱適美】新手們一定要知道的10個重點有講過，Invisalign既模擬動畫只係模擬，實際出到黎既效果一定會有偏差。
繼上次發現有隻牙跟唔上進度，最近發現另一隻牙又出現左呢個情況，而且係下排門牙。
點樣知道隻牙跟唔上？因為會見到牙套冇完全套住隻牙，好明顯睇到有虛位。
呢隻牙去到呢個牙套(第49副)應該要企得正d，但佢就仍然係歪。
醫生說有偏差是正常現象
見到呢個情況我當然要問下醫生，因為我唔敢繼續換新既牙套。
所以第49副牙套我就戴多幾日，戴到去覆診日。
「通常去到後期，出現偏差係好正常既，唔需要擔心。」
我都好明白呢一點。不過我就擔心如果再換新既牙套，呢隻牙會愈推愈入。
所以醫生就有一個方法：
「我會幫你清左呢粒attachment先，等隻牙唔會走位得太嚴重。」
快要到下一階段了
再戴多五副牙套我就可以進入下一階段喇！
到時就要scan多次排牙，醫生再評估下點樣執得好d。Scan完後都要等大概8星期先有新既一set牙套，唔知又要戴多幾多副呢？
一年後的感想
其實戴左一年已經有好大改變，不過都仲係有好大既改善空間。
一開始覺得時間好漫長，有種「見唔到盡頭」既感覺。但隨住自己習慣左，加上呢一年又發生左咁多事，混亂中覺得時間過得好快。
雖然已經習慣哂牙套生活，不過都仍然好想快d戴完，期待可以有一日唔駛除牙套就可以食野，因為真係好煩哈哈。
純屬個人分享， 只供參考，隱適美療程全屬自費。
Pingback: 【Nia箍牙|隱適美】Vol.22 第一階段完成(1年2個月)！覆診+牙齒掃瞄 | nianiawuu
HELLO, 我想問你起邊箍嫁
請問你係边到整？
你好, email覆左你喇😃
你好呀！我都想要診所資料。Thanks.
hello覆左你喇😃
你好，我同你情況好似，想要牙醫資料🙏
hello! 我覆左你喇
想問下你係邊間診所做,thanks!
hello覆左你喇😃
第二SET牙套點解都要咁多?
最近開始左第2 階段喇,不過我太懶冇上黎update, 好快會寫下近況!
至於第2 set點解咁多, haha, 我都唔知呀..(苦笑) 我估係要磨牙所以到時又會有牙縫要收, 下次會問下醫生! 🙂
最近點呀～
你好呀，我想請問你係邊間診所做療程? 謝謝。
岩岩覆左你喇😀
你好，想問下邊間診所做
hello覆左你喇😃
想問下你喺邊間診所箍架？
Thanks!
岩岩覆左你喇🙂
我都戴緊隱適美年幾，而家第二set牙套，第一set 9x副，戴到第60副就跟唔到要scan過，第二set又90副，戴極都係咁多，真係望唔到盡頭，大家一齊加油。
wa…90副咁多😱😱真係好漫長⋯⋯我黎緊第二set要戴40幾副已經覺得好多，唔知幾時先有完既一日⋯⋯你都要加油呀！一齊捱埋去💪🏻💪🏻
我岩岩開始啊! 戴左第一副牙套5日. 我第一副已經有attachment啦..
暫時都未係好習慣, 講野有d癡利根><
唔知會唔會習慣左好d呢..
一開始係會唔習慣，又除唔到牙套、牙齒又冇乜力、又癡脷根，不過過幾日就會好好多架喇💪🏻唔駛擔心呀😁