自從上次覆診後、醫生話我下次要打骨釘後，我就開始好不安。彷彿好似返返去幾個月前準備箍牙、好忐忑不安既日子。
而家箍左牙4個月，其實早已經習慣左戴牙套既生活。只不過突然聽到骨釘終於要來了，又要重新鼓起勇氣去面對新既挑戰，真係好煎熬。
延伸閱讀：【Nia箍牙|隱適美】Vol.2 終於決定做隱適美(咨詢過程+價錢)
不過，要黎既始終都要黎。為左排牙箍得好，點都要聽醫生話。
就係咁我開始又不停上網爬文，睇下其他人既分享。有人話打完骨釘會痛、又有人話冇感覺。我盡量令到自己唔好咁驚骨釘，一直同自己講「反正都要做架啦，驚黎做咩丫」。
驚到我面都震埋
呢段日子心情一直都好平靜。但到左前一晚，我就有少少失眠。
Appointment 係4點，但我3點4就到左。因為每次都要等，所以我寧願早d去。
神奇地，3點半就叫我入去喇！好啦，要黎就黎啦，速戰速決！！
入到去助護就叫我坐上牙科椅、除牙套，同我講：
「今日黎係打骨釘既，你要打4隻骨釘。」
「下！唔係2隻咋咩？」
「丫係呀係呀，你係2隻。上面2隻。」
嚇死我咩，我承受唔到架。我只係做左要打兩隻骨釘既心理準備架咋。
之後就等醫生黎。話說呢次係顧問醫生幫我打(唔係平時覆診開個個醫生)。我好難得先可以見到顧問醫生，次次見佢都係超級忙，不停游走唔同治療室。
係等候既時候，我心跳得好快。好緊張呀！驚到面都震呀！啊！！！(肥媽)
醫生來也匆匆去也匆匆地，搞掂左
等左幾分鐘，醫生終於黎左，佢塊面好似寫住「好忙好忙」咁。
「Hi! 你今日係黎打骨釘既。」
「係。」
佢好快咁睇左我既動畫同之前照既X-ray。
「擘大口。」
之後就開始打麻醉藥喇。我預左打麻醉藥係會痛既，因為剝牙個陣都係打麻醉個下比較痛。
但係！！！唔知點解今次冇痛既感覺喎！淨係好似俾牙籤輕輕力咁篤，好神奇。
「漱口。5分鐘之後我再黎。」
醫生就係咁消失左係我眼前。呢個牙醫都幾cool，完全冇打算安慰我呢個極度不安既patient。
打完麻醉之後，我即刻就感覺到兩邊麻痺左，牙肉好似腫左咁。漱口既時候都幾乎冇哂感覺，已經合唔埋個口。
就係咁，呢5分鐘我又係望住醫生係我面前行黎行去，不停睇唔同既patient。
然後我感覺5分鐘已經過左，醫生仲未入返黎。我既內心戲又開始：
「過左咁耐，麻醉藥會唔會退左？」
「一陣佢鑽支釘入黎我咪好痛囉？」
「唉，咁樣落去，一陣駛唔駛再打多次麻醉針架？」
之後醫生終於入返黎，拎骨釘同工具。
「擘大口。」
然後就見佢開始鑽喇，冇感覺喎！淨係見到佢用力鑽支釘入去牙骨，就好似平時扭螺絲咁，同時聽到「吱吱」既骨聲。
之前上網見人形容好似好恐怖咁，但親身試過之後又覺得冇野喎，仲要20秒內就完成左一隻釘。
比想像中更輕鬆！
呢個時候既我已經唔緊張喇，因為麻醉藥既關係真係冇感覺。好快地醫生就幫我整埋另一邊，又係20秒內就完左。
「搞掂喇。教戴橡筋。」
醫生又消失左係我眼前，頭也不回。我以為佢叫助護準備橡筋，然後親自教我戴。
但我諗多左喇，醫生講完呢句說話之後就冇返入黎…我諗我同醫生共處既時間應該3分鐘都冇。
好啦，之後就有個助護黎教我戴橡筋，打橫咁勾係支骨釘同上排牙套。
佢仲同我講，刷牙既時候要刷埋支釘，保持清潔，如果唔係發炎既話，骨釘可能會鬆。
臨走前姑娘就俾左包止痛藥、橡筋，同軟蠟我。
打骨釘係咪真係唔痛？
之前睇過其他人講打骨釘好輕鬆，完全唔痛，只係打麻醉既時候痛。
幸運的我，連打麻醉藥都唔痛，真係完全冇痛既感覺。當麻醉藥生效緊既時候，醫生做咩我都係冇感覺。仲有，原來真係可以一滴血都冇架！
所以，我打骨釘既過程真係完全無痛，好感恩。
我最驚既係，麻醉藥退左之後會唔會好痛。之前又係睇過有人話退左之後先係折磨既開始，又痛又刮口。
幸運的我，當麻醉藥退左之後，只係感覺骨釘附近位置有少少痛，再連帶少少頭痛。痛既程度算輕，當日有食止痛藥。
第二朝訓醒之後又係一條好漢，冇哂痛既感覺，亦冇刮口，好感恩。
有骨釘後 橡筋終於無咁礙眼
話說本身我拉橡筋係勾上下排，所以擘大個口就會見到兩條橡筋。如果擘得太大，仲成日會彈甩，所以打唔到喊露。
↓ ↓ ↓ 骨釘前↓ ↓ ↓
↓ ↓ ↓ 骨釘後↓ ↓ ↓
有左骨釘之後，橡筋只係會勾係上排既牙。所以我既上下排牙就唔駛成日扯住喇！個口擘到幾大都得，好似重獲自由咁。
笑既時候，橡筋亦都冇咁明顯，同埋係唔會見到骨釘。
最困難其實係自己既心理關口
我諗對好多箍牙既人黎講，打骨釘真係打大佬。對我黎講都係，始終要將成支釘鑽入去你d骨入面，淨係諗起都咪話唔驚。
不過親身經歷左之後，發覺原來成件事好輕鬆，最困難其實係自己既心理關口。我好好彩，成個過程都算舒服，我可以講骨釘真係唔係想像中咁可怕。
打完骨釘真係可以鬆一口氣喇！而家戴到第19副，下次再黎update進度。
純屬個人分享， 只供參考，隱適美療程全屬自費。
Pingback: 【隱適美】新手上路篇：咨詢牙醫、了解療程步驟 展開你的牙齒矯正之路 | nianiawuu
Hello 想問下你無邊間做呢？
Hello Katy, 我send左d資料俾你喇:)
Pingback: 【Nia箍牙|隱適美】Vol.14 第二次覆診 終於聽到骨釘的腳步聲 | nianiawuu
Pingback: 【隱適美】考慮隱適美前你要知道的7件事 你做好心理準備了嗎？ | nianiawuu
Pingback: 【Nia箍牙|隱適美】Vol.24 發現骨釘鬆了 拆骨釘會痛嗎？ | nianiawuu
你好,請問你寫得好詳細
請問可以問你邊間診所做同醫生咩名?
感謝
你好, 我岩岩覆左你喇:)
請問有冇詳細資料？
請問可以告訴我在邊間整牙嗎？謝謝🙏
Hello, 我岩岩send左俾你喇:)
Hi 請問喺邊間診所做? 同埋你嘅 case 話請問療程大約幾錢?
Many thanks for your reply Nia!
Welcome! 岩岩send左D 資料俾你喇:)
粒骨釘要戴幾耐? 我第36副開始要係門牙上面打兩粒釘😰😰
Hello, 我由第一階段嘅第19副開始裝咗骨釘，到而家第二階段都仲戴緊呀。
我都有問過醫生幾時會拆個釘落嚟，佢話要到我箍完哂先拆得，因為反正都整咗落去，之後可能有需要用到。
好似我而家咁，其實我有一段長時間冇用到呢兩粒骨釘，但都要等到完哂所有療程後先拆得。
Pingback: 【Nia箍牙|隱適美】Vol.16 完成20副，倒數300日！現階段效果對比圖 | nianiawuu
Pingback: 【Nia箍牙|隱適美】Vol.23 被肺炎怠慢進度 等了兩個月才有新牙套 | nianiawuu
你好﹗請問你搵邊位醫生做﹖
Koeycho@hotmail.com
Hello Koey, 我覆左你喇~
請問係邊度做🙏🏻🙏🏻
hello我岩岩send 左email俾你喇:)
你好，可以send醫生，價錢等資料給我嗎？萬分感謝！
Hello 我覆左你喇
你好呀，想問下診所名同價錢🙏🙏
hello! 我覆左你喇 🙂
hello 請問牙醫資料同價錢
hello! 我覆左你喇 🙂
麻煩可唔可以比診所資料我?🥺
唔該哂你🙏🏻
mabxxyz@gmail.com
Hello我覆左你喇:)
求介紹🙏🏼🙏🏼同埋價錢如何 謝謝你 breadfong01@gmail.com
我岩岩覆左你喇😃
你好 請問邊間診所做？
winkyleung2814@gmail.com
hello我覆左你喇!
求介紹🙇🏻♂️🙇🏻♂️
求介紹🙏🏻yanluv1029@hotmail.com
Hi 想問邊間診所，同埋價錢，thanks
Yanluv1029@hotmail.com
Hello, 可以分享你在邊間診所做嗎。你記錄得好詳細：）aifayc@gmail.com
多謝你呀，我覆左你喇😁
Hi 請問可以分享一下診所地址嗎？
kittyluk6@yahoo.com.hk
hello覆左你喇😃
hello,我都有打算箍牙，請問你喺邊間箍㗎? thanks!
同埋想問下你睇邊個醫生，我email 係catpig1111@gmail.com
many thanks!
hello我覆左你喇😃
hello覆左你喇😃
Halo~想知你邊間做同做左幾錢🙏🏻🙏🏻
karliehutt1014@gmail.com
Hello我岩岩覆左你喇😁
求介紹 shoedesignhk@gmail.com
hello岩岩email覆左你🙂
halo,想查詢邊間診所做..
email: gigimonie24@hotmail.com
感謝你.,.
你好，我岩岩係email覆左你喇😉
Hi~我的情況和你很像，也是有一隻牙生在後方，請問你是在那間診所做的？
可以分享嗎？
yomoiyan@gmail.com
Hi, 請問係邊間診所做?🙂
aph310@gmail.com
你好呀～請問邊間診所做？thx
hello 你介唔介意留低你email address我再話你知? 🙂
Hi~
我既情況同你有少少似
都係有牙生左係入面
一直都以為cool唔到invisalign🙈
睇左你既blog 覺得好似有d希望咁haha
可唔可以share你既診所同牙醫比我？
🙏🏻
pinky_yeung1120@yahoo.com.hk
hello! 岩岩覆左你email la 🙂
可唔可以email 我，我想 cool 牙
Kwankwan_suet@yahoo.com.hk
Hello 請問係邊間診所做? 仲有可以分享下以你的情況，預計要幾耐先會完成整個箍牙療程? Thanks!
你好, 我暫時只知道第一階段療程(58副)要大約2020年7月完成, 即係第一階段要戴1年3個月
但之後仲有refinement 階段, 到時要再scan一次排牙再決定戴多幾多副, 所以未知要多幾多時間~
至於邊間診所, 你介唔介意留低你email address我再話你知? 🙂
診所的收費已經包括所有階段的療程嗎?
謝謝分享!
superhitchhiker@gmail.com
係呀, 收費係包哂所有階段療程 🙂
謝謝你個網誌很詳細紀錄了你的過程、紓緩了忐忑不安的心情。整完牙模後、今日看了牙醫、下月開始要戴30個牙套了。大家一齊加油
多謝你呀，好開心可以幫到你。一齊加油！！