眨下眼完成左第二階段療程，同時進入左漫長嘅等待階段：等下一批牙套。同一副牙套戴左兩個月真係唔好受，因為副牙套會愈嚟愈黃、仲開始爛。所以去到箍牙嘅後段我覺得，等待先係最痛苦。最後終於都等到呢日，但估唔到今次要面對磨牙喇。
什麼？原來要磨牙？
去到診所，好快就有得入去見醫生。入到去，好快就被安排坐上牙科治療椅，醫生較低左張凳，我諗住佢都係好似平時咁，幫我除咗副牙套，再帶上新一副牙套。
但佢同我講：
「今日呢就幫你貼多個attachment，另外要磨牙嘅。」
雖然我喺最一開始嘅時候已經知道我有可能需要磨牙，但係我冇諗過醫生喺呢個關頭先同我講啲咁震撼嘅事，完全冇做過心理準備。我喺肉隨砧板上嘅情況下，唯有頂硬上。
我最不想見到的黑三角出現了
我排牙喺箍牙前係好亂嘅，好多門牙都會重疊咁生，呢啲重疊嘅地方都係冇生長到牙肉嘅區域。
當啲牙排返整齊嘅時候，嗰啲之前冇生長牙肉嘅位，就會形成一個三角形空間(黑三角)。呢個黑三角除左會影響外觀，更容易攝住啲食物。
其實我第二年箍牙已經開始發現自己有黑三角情況，下排門牙比較明顯。
有時照鏡見到都有啲傷心，唔知呢度有冇同路人呢… T_T
所以磨牙 (鄰接面修磨) 就係其中一個解決方法。磨牙可以製造多啲空間俾啲牙排整齊、改善黑三角情況。
原來磨牙是有點可怕的
講返當日，終於都要面對磨牙呢件事。醫生話我需要磨三條牙縫，今日就只係磨一條先。
「好喇，而家會幫你磨牙。你記住一陣個頭唔好郁，有咩唔舒服就舉手好喇，唔好大動作咁郁。」
我聽到佢咁講就更加驚，越叫我唔好郁，我就越驚自己會郁咗。心裡面會幻想醫生會唔小心整歪左。
然後我見到醫生拎咗一支電動嘅打磨工具，攝入我下排門牙其中一條牙罅咁樣磨。
當時嘅感覺係：下排嘅牙好震，震感好似貫穿左成個下顎，有啲驚佢會整甩我排牙，又驚佢會整衰咗。
印象中佢好似伸左入去條牙縫兩次就搞掂咗，然後好快幫我戴上牙套。
呢個時候我心諗：「醫生，如果你可以比塊鏡我照下就好喇。我好想知你幫我磨成點。」
最後我都係要返到屋企，除咗個牙套落嚟先睇到條牙縫。
好彩地，條牙縫睇落都應該算正常？希望之後嗰兩次都會順利啦，因為仲有兩條牙縫要磨。
看不到盡頭的療程
當我離開咗治療室，行到出去診所大堂，我仍然未知道第三次療程會有幾多副牙套。
好快姑娘就叫我簽收新嘅牙套，我一見到真係呆咗。
又係三盒，上一次療程又係三盒。我仲諗住數量會越來越少，點解仲有咁多㗎 ？？
唉好啦接受現實。換個角度諗，戴咁多副，計返條數咪好抵囉？
來到第三階段療程
到左第三階段，我諗住應該都唔會有咩大改變，所以我不自覺地會睇小微調階段。睇完動畫先發現，原來仲有好多地方要改善。
預計11個月內就可以完成第三階段，好漫長。
第三階段牙套數目
下次再上嚟update下磨牙後嘅情況啦。
純屬個人分享， 只供參考，隱適美療程全屬自費。
Pingback: 【隱適美】Invisalign Go 跟Invisalign 有什麼分別? | nianiawuu
Pingback: 【Nia箍牙|隱適美】Vol.28 想不到要展開第4階段療程 更想不到4年後我仍在牙齒矯正的路上 | nianiawuu
Hihi 我想問下你係邊到整同幾多錢？感謝！
Hello Man😃我啱啱send咗啲資料俾你email喇
你好呀 我都一直心旭旭想去箍牙
睇到你嘅分享對隱適美認識多左好多！
可唔可以分享一下你係邊度箍呀？😀
Hello Cat，可以幫到你就好喇😊我啱啱分享左啲資料俾你
Hi Nia, 好開心可以搵到你呢個blog啊, 你將成個箍牙過程都記錄得好詳細好全面！我一口氣睇晒所有post😆
其實我年幾前都有搵牙醫做諮詢, 當時見左2個醫生都話要剝四隻牙同埋打骨釘，仲要一定用傳統鋼線箍，令我有好多顧慮最終都下唔到決心（ 擔心影響工作因為我要對客、擔心黑三角、驚剝牙、骨釘）。
睇完你分享之後我多咗好多信心，請問可唔可以分享你去邊兩位牙醫呀(箍牙嗰位+你話你睇開另外一位好細心嘅牙醫）？唔該晒你呀～
期待你下一次更新，希望下一次進展都令到你好滿意☺️☺️☺️
hello CC! 見到你咁講我都好開心呀, 可以俾到信心你地真係好有滿足感
我岩岩send左d資料俾你喇:)
Hello,可介紹牙医，thx
Hello Janet, 我岩岩email 左d資料俾你:)
Hello, 想請問醫生的資料及價錢，謝謝你
hello Lilian, 我岩岩send 左d 資料俾你喇:)
Hello 你好呀, 可唔可以知道你係邊度箍牙同睇邊個醫生, 非常感謝🙏🏻
hello kaka, 我岩岩send 左d 資料俾你喇:)
你好 我想箍牙 醫生要剝4隻牙 而且建議我用傳統 但見到到嘅blog 同樣要剝4隻 都可以用適齒美 太好了 我想問 你係邊度做？ 需要幾錢？
Hello, 係呀我都係剝左4隻牙, 不過都明白點解醫生會建議用傳統 (我認為會快D)~我send左d 資料去你email喇:)
Hello, 請問你係邊間診所箍牙呀?
Hello Jen, 我岩岩覆左你喇:)
Hello,想問下你係咩診所啊？thanks.🙏🏻
Hello Avery, 我岩岩send左d資料俾你喇:)
Hello, 我就係睇到你blog上年開始去箍隱適美.宜家我都有黑三角問題.因為我唔需要剝牙，所以箍之前已經磨過牙. 我個醫生就叫我用補牙縫方法，補之前又要決定去唔去美白牙齒之後先補. 我好糾結又要比多筆錢去做美白，補完又驚補牙物料果個位耐左會變鴛鴦色. 但唔美白，佢就直接配番個牙色去補牙縫，箍隱適美真係牙黃左，又唔想咁黃落去. 想知如果係你會點選擇><
Hello YT👋🏻你嘅黑三角問題會唔會好明顯呀？如果唔算嚴重（得自己會注意到），我諗我會由得佢，因為我又會擔心補完牙縫之後啲物料會唔會甩、會唔會因為牙齒嘅顏色改變而顯得啲牙縫位好礙眼（？）；
不過如果黑三角問題好明顯，我都應該會去做美白然後補牙縫🥲🥲
加油呀
我之前箍到第二階段都有出現黑三角🥲🥲前排見到高x潔出咗隻牙齦修復牙膏，用咗好似真係有啲效，不過我牙醫亦都有幫我磨牙縫拍埋少少兩隻牙，所以而家睇落黑三角已經冇之前咁明顯！你都可以同你牙醫傾下！
多謝你推介呀！原來有咁嘅產品😮我一定會試下💪🏻💪🏻
你好呀
多謝你分享
想問問診所資料呀
Hello我岩岩Send 左去你email喇:)
想請教下🙏，磨牙後牙齒有沒有變差咗？例如變成敏感牙齒/食野無力？我沒有剝牙，戴第二個箍已落attachment同骨釘，但牙醫話遲D要磨，仲要係0.5我好擔心
Hello，因為我本身已經有敏感牙齒，所以唔係好感受到對我嘅影響。不過暫時感覺冇變差嘅☺️我之前都會好擔心呢個問題，有不斷上網搜集資料，0.5mm都係可以接受嘅範圍，我哋嘅牙齒冇想像中咁脆弱嘅💪🏻如果你好擔心嘅話，建議同醫生傾吓呀
Hello, 我想知道你係邊到cool同搵邊位醫生🙏🏻
Hello Teresa, 我岩岩send 左d 資料俾你喇:)
感謝你超強大的分享，看高你的blog 後像打了一支強心針.
今天醫生幫我落左attachment，希望之後大家能互相鼓勵，期待你的成果!
多謝你嘅留言呀，相信你應該會覺得好唔慣，不過辛苦嘅日子好快會過去，加油啊！
哈佬！想箍牙上網搵資料俾我發現咗你個blog！！！
啱啱睇哂了 好詳細 有少少安心
因為我想箍咗好耐了 但都係唔知點踏出第一步
又唔知去邊間咨詢好 因為本身諗住箍傳統 以為隱適美做唔到拉返粒牙岀嚟嘅效果…
但見到你都做到個效果 好心郁郁想箍隱適美！
想問下係邊間診所同醫生？唔該哂你～🙏🏻
你依家個進度好好！！！愈嚟愈靚😍😍
Hello!! 多謝你呀, 每次見到呢D 留言都好有滿足感:)
無論係決定箍傳統或者隱適美都好, 一開始真係好需要勇氣!希望我都可以俾到D你:D
另外我岩岩send左D 資料俾你喇~
終於等到你更新啦😍😍希望你快啲箍完啦！你下排牙已經齊咗好多啦！成件事好神奇好鼓舞🤩
多謝你呀，我排牙咁亂都得，真係沒有不可能😆希望幫到你哋啦👏🏻👏🏻