嚟到第三階段嘅中後期，我排牙已經冇咩好大嘅轉變。今日睇返原來對上一個blog已經係八個月之前喇，真係唔經唔覺。我仍然喺度呀，希望大家都安好。
今次除咗上嚟蒲吓頭之外，緊係要update吓箍牙進度，同講吓我磨牙後嘅黑三角情況，不過睇嚟黑三角真係好難解決….
牙齒矯正仍在進行中
Hello hello，我仲箍緊牙㗎。
箍咗牙已經3年，最近最常俾人問嘅問題係：
「你幾時先箍完牙呀？」
其實我都想知呀，我都好想快啲完呀。因為要完左一個階段先知下一個階段會係點。
由於啲牙已經定位得七七八八，嚟到呢個階段唔會有大嘅改變，所以冇特別影相。俾大家睇下我個app嘅3年前後對比圖，下面嗰張係今日影嘅，新鮮滾熱辣。
更新黑三角狀況
上次講到我排牙出現黑三角嘅問題，第一次去磨牙 (鄰接面修磨)。之後我有再磨多兩條牙縫。
所以我一共磨左三條牙縫，分別係兩條0.4 mm，同一條0.3 mm。
經過咗八個月後，對比下排最中間嘅黑三角(磨咗0.3mm)睇落細咗，不過都仍然有黑三角問題。
再睇多一個例子，除咗上面呢part，我上排隻側門牙都出現咗黑三角，呢隻牙本身係生咗喺整排牙齒嘅後面，所以喺成個箍牙過程中，呢隻牙嘅移動幅度都係最大。
望住佢一路慢慢移出嚟其實係好感動嘅，但隨之而來嘅係黑三角。估唔到呢隻牙第一次面世就送咁大份禮俾我。
大家聽唔聽到我心碎嘅聲音?
我上網搵過資料，為左改善牙齒形態，除左磨牙外，仲可以用陶瓷貼片(將陶瓷⽚痴上牙齒表面)、樹脂修復(填返個黑三角)。不過我唔會搞咁多野喇。
而家嘅情況我都可以接受嘅，有時上網見到其他case仲嚴重，覺得自己嘅情況唔算超級明顯。
有咗黑三角後，而家用牙線唔敢太大力，好怕牙齦會萎縮，然後個黑三角愈嚟愈大。
純屬個人分享， 只供參考，隱適美療程全屬自費。
Pingback: 【隱適美】考慮隱適美前你要知道的7件事 你做好心理準備了嗎？ | nianiawuu
Pingback: 【Nia箍牙|隱適美】Vol.27 牙齒矯正至今已3.5年 什麼時候才完結？還差什麼？ | nianiawuu
Hello 想問牙醫資料
hello 想要牙醫資料thanks！
Hello Ariel, 我岩岩Send 左啲資料俾你喇:)
hello想要牙醫資料！thanksss
Hello Sarah, 我岩岩Send 左啲資料俾你喇:)
今日去診所攞咗第一副牙箍了，不過醫生冇睇住我戴同除，只係姑娘口頭講渣，因為我見你個醫生都有教你，所以覺得我個醫生有d Hea，開始有d擔心之後佢會唔會都係Hea我，其他人有冇咁既情況，係咪依家都唔會醫生親身教架啦？因為網上都有好多教學啦
其實我都唔係次次有醫生教呀，都係咁啱有一兩次咁好彩會有醫生教。好多時覆診都係醫生好快睇完，然後護理員follow up。你要加油呀！
Hello，又係我呀，兩年前留過言，話第一set有9x副，第二set有90副果個人，今次終於箍到第72副箍，仲有十幾副就完喇。
我又係箍左3年幾，都有同感，真係好厭倦，成日俾人問我究竟箍完未。。。希望今次唔洗再加箍啦。
你最後箍完未，洗唔洗入第4階段？
Hello!! 我認得你呀（你個名好正😆）見到有同路人真係好感動🥲
咁啱我今日複診，醫生話叫我箍多兩個星期，就應該可以完，唔使入第四階段。🥹🥹不過我都唔敢抱有太大期望，到時會上嚟update下情況！🤭
好佩服你呀，每一次都有咁多副箍！咁你而家喺第二階段嗎？希望你可以快啲完啦🥺
Hello, Nia, 我都想要牙醫資料啊
Hello Da, 我啱啱send咗啲資料俾你喇☺️
Hello, 請問可以介紹醫生俾我嗎？thanks
Hello Shirley, 我send左d 資料俾你喇:)
hi,想問下妳有冇因為箍牙攪到兩邊面側都凹咗?
Hello Be, 我有少少呢個情況呀，因為我剝左成四隻牙。不過好彩我本身有啲Baby fat，所以而家塊面唔會好凹，只係睇落面型尖左。如果本身塊面係瘦嘅，加上箍牙嘅時候又要剝牙嘅話，就真係要諗吓呢個問題呀💪🏻💪🏻
Hello Nia, 想問吓你之前講個醫生話牙本身要有啲斜度，個問題解決咗未呢？因為我有朋友啱啱箍完除左牙箍，門牙就係因為咁有哨牙感覺，佢本身無哨牙但整完變左有，搞到佢有好唔開心。
Hello Vicky，我最後發現個斜度只係好細，冇好似模擬動畫咁誇張。而且好好彩地，實際照鏡亦唔覺得自己變咗哨牙，所以最後就冇理到。😌
你個朋友真係哨左嗎？會唔會搵返個醫生adjust下呀？🥹
可否分享牙醫資料？謝謝
Hello Arya, 我啱啱send咗啲資料俾你喇☺️
想問吓你之前生喺入面嗰隻牙，拉出嚟之後係咪補過牙，我見到之前好細隻但係而家就好似大隻咗？
Hello Joe，我冇補過呢隻牙呀😁我諗可能因為隻牙之前俾牙肉包住太多，而家拉出咗，令到視覺上覺得隻牙長咗大咗😲
hello, 我都想要下牙醫資料, thank you!
Hello! 我send左d資料俾你喇~
Hihi Nia, 你個blog 真係好詳細呀，發現你有好多心路歷程同我一樣，搵到同路人真係好感動。我都係後期有黑三角嘅問題🥲想請問你最後中線有冇回中間呀？我而家差唔多到尾聲，但我醫生話中線冇辦法對到，有啲傷心😢
Hello 同路人👋🏻👋🏻
我條中線都係未對到呀（我仲未箍完🥲）不過最後都應該唔會對齊到100%，唯有安慰自己：唔緊要啦，冇人會留意我條中線，加上自己又唔想再箍咁耐，所以都係算數😄
如果連醫生都話對唔到，唯有調整心態接受佢🥹
Nia halo, 可唔可以分享下牙醫嘅資料呀😆
Hello Lu! 我send左d 資料俾你喇:)
Hello我都好想問吓牙醫資料，可以分享嗎？好欣賞你呀！同埋可以咁樣記錄低真係好好，希望你快啲完成😊成個人靚晒
多謝你呀Sarah! 我岩岩將d 資料send左俾你喇:)
好鍾意睇你個blog，好詳細之外啲information 好有用呀🥰
好多謝你嘅欣賞呀🥹可以幫到你就好😄
hello Nia! 可以分享醫生資料嗎？謝謝喔！
Hello Nina! 我岩岩Send左d資料俾你:)
Hello，想知係邊間同埋邊位醫生呀～
Hello Nicole, 我岩岩send左D資料俾你喇:)