剝哂4隻小臼齒既6日之後，就去裝Attachment喇，正式展開牙套生涯喇。
之前講過，我要裝18粒，所以事前做好心理準備個牙套將會好緊，不過原來呢個只係碎料，一個個意想不到既痛苦正係向我招手。
成個過程都好痛
關於裝Attachment，我事前已經上網睇過哂過程係點，suppose係完完全全冇痛楚既。
就 係 撐 口 器！
想講多次我確認做隱適美個日，姑娘為我既牙齒影相做紀錄既時候，我又係俾個撐口器玩左一餐，好白痴！
延伸閱讀：【Nia箍牙|隱適美】Vol.2 終於決定做隱適美(咨詢過程+價錢)
今次係咁既，話說幫我裝attachment都係同一個牙齒衛生員，佢幫我套上撐口器之後，我再一次覺得舊野太大，頂到我個牙齦好好好好痛。乜我個口真係咁細？
就算個口被撐大左，講野成個傻仔咁，但我都忍唔住要問佢：
「有冇個細d架？」(指住個撐口器)
「冇喇，呢個係最細架喇。你忍耐下啦。」
就係咁，舊野最後頂到我既牙齦流血又損左，成個過程我真係痛到流左眼淚，面目猙獰。
天啊！明明做足功課，心諗應該今次好舒服咁被裝上d粒粒，邊有諗到我會衰係呢個位度架？
好啦，我一共裝左18粒，成個過程大概45分鐘。
除左個撐口器，成個過程都好順利，無任何不適。
完成個一下真係有解脫既感覺。就算個牙套變得好緊，牙齒好酸軟，都唔及戴住個撐口器咁難受。
不過當我照鏡就覺得好奇怪，點解除左d粒粒之外，仲有好多多餘既物料係attachments既旁邊既？好似擠多左好多，瀉哂出黎咁喎？睇黎佢冇幫我磨走多餘既物料。
「唔該，呢d位係咪擠多左？點解咁既？」
「少少唔緊要既。」
牙齒衛生員之後叫我每十日就換新既牙套，兩個月後就返去覆診。
後記：之後我發覺d Attachments真係太奇怪，我冇見過其他blogger好似我咁，多餘既attachment物料冇被磨走。加上呢d位令我d大臼齒更加咬唔到野，所以我之後趁機返去講返我既情況。
延伸閱讀：【Nia箍牙|隱適美】Vol.8 才剛開始就掉了3粒Attachments!
我除唔到個牙套落黎呀！
裝完Attachment之後，牙套真係變得好難除。
首先排牙已經好酸軟，加左Attachment簡直係將個牙套完美地lock死左，所以頭兩日我真係好痛苦。
呢兩日我每次都除好耐，尤其下排。原來真係會除到流哂口水，最痛苦係個牙套除到唔上唔落，驚整甩排牙又驚整爛個牙套。
消極Mode: 如果人可以唔食野就好喇
除左牙套開始變得難除之外，我發現裝完Attachment之後我咬唔實上下排牙。
因為下排既大牙都生得歪，而Attachment咁岩就要裝係平時咬合既點，上排大牙咬唔到落下排大牙，而係咬住粒該死既Attachment。
簡單黎講就係Attachment阻住我食野，我好難咬野。
咁樣搞法我頭兩日真係唔想食野，因為唔食野就可以唔駛除，仲開始有「如果人可以唔食野就好喇」呢種咁荒唐既諗法！點可以架呢，我明明好鍾意食野架！
原來一開始既唔適應真係好影響心情，覺得好麻煩，搞到個人都有d頹，又開始諗埋一二邊：
我係咪黎緊呢兩年每一日都要咁痛苦？
我做咩要攞苦黎辛？
延伸閱讀：【Nia箍牙|隱適美】Vol.22 第一階段完成(1年2個月)！覆診+牙齒掃瞄
冇諗過咁快就要勾橡筋
成日聽人講，到左牙齒矯正既後期先開始勾橡筋。
點解我第二副開始就要同橡筋共處？上次唔記得問牙醫點解我咁早，淨係知橡筋係改善我既咬合。
我既左右兩邊都要拉，勾係上排虎牙同下排大臼齒。
一開始覺得條橡筋咁細條，要拉到咁長仲要勾埋入去真係好高難度。初初真係揦手唔成勢，會整整下唔小心彈走左然後消失埋。
不過兩日後我既手法已經開始純熟喇，唔駛照鏡都可以勾到。
初初拉橡筋既時候，下顎有一種被拉向前既感覺，訓醒更加有種打唔開口既感覺。
好刮口好刮口好刮口
原來d Attachment 同牙套都會刮口架，尤其是下排呢隻門牙，第二日已經俾佢刮損左。
仲有，當橡筋勾入牙套虎牙位置既缺口， (因為橡筋有一定既厚度)，個牙套某部分就會反起左，呢部分仲要好尖，真係拮死我。
咁樣自自然然就刮損左我既口腔，好痛！我成日用手指去㩒佢，不過當然係冇用的。
對我黎講，牙齒移動造成既酸軟感真係遠遠比不上俾個牙套刮到個口既痛苦！！真係痛到唔想講野，因為一郁就刮到。
牙套既邊位其實都有d刮，條脷掂得多呢d位都會痛。不過過左幾日之後我條脷已經自然地避開左呢d位。
呢個時候，內心戲又黎：
點解好似一d都唔隱、唔適、唔美？又有橡筋又痛又刮口。
其實當初係咪應該揀鋼箍？
俾左咁多錢，但係都好痛好刮口，仲要打理牙套咁麻煩，我係度做緊咩？
不過我好快就冇左呢d諗法。就算係咁，我都係會揀隱適美。
軟蠟是唯一救星
由於裝完Attachment既第二日實在太痛苦：除唔到牙套、除到流哂口水、牙齒酸軟、唔想食野、俾牙套同Attachment刮到個口損哂。
第三日實在忍無可忍，收工就去左診所拎軟蠟 — 作用係隔絕矯正器或骨釘與口腔既接觸。
用法：
1. 先捏一小段軟蠟出來
2. 搓圓撳扁成為一個小圓
3. 貼壓在矯正器、矯正器上的掛鉤、或骨釘掛鉤處表面
發覺用左會好好多。d討厭既勾、刮口位全部都被軟蠟隔絕左。不過每次要用既分量都唔少，加上每次除牙套都要整走d軟蠟，下次要問診所拎多d。
習慣左就好好多
痛苦既日子好快過，過左兩日之後開始捉到除牙套既竅門。
除牙套既時間由五分鐘進化到半分鐘，已經冇再流哂口水，加上三四日後酸軟感慢慢減少。
至於咬唔到野呢方面，而家食野變左唔可以將野食咬到好碎，有時咬兩三下就吞左去算，咁樣的確係失去左唔少樂趣。我睇過個動畫要至少要去到第17個牙套我既上下排牙既咬合先唔會俾Attachement頂住。
一開始我真係好好好好唔慣，不過當呢件事變成日常就唯有接受，慢慢開始習慣，食慾始終會重投我既懷抱。
不過，又唔可以講到咁老定，因為就快要換下一副。以上既種種不適好可能又要重新loop一次。
純屬個人分享， 只供參考，隱適美療程全屬自費。
Pingback: 【好物分享】舒緩矯正酸痛 VPro5震震機用後感 | nianiawuu
Pingback: 【隱適美】考慮隱適美前你要知道的7件事 你做好心理準備了嗎？ | nianiawuu
Pingback: 【Nia箍牙|隱適美】Vol.28 想不到要展開第4階段療程 更想不到4年後我仍在牙齒矯正的路上 | nianiawuu
Pingback: 【隱適美】新手上路篇：咨詢牙醫、了解療程步驟 展開你的牙齒矯正之路 | nianiawuu
剛開始第一日，落attachment ，除同戴牙套簡直懷疑夠竟箍牙呢個決定係咪值得🥺，戴同除嗰陣係咁流口水，又好酸軟🥺
Hello Rachel! 加油呀，好明白你既感受，一開始係好辛苦，不過好快就會習慣架喇:)
Pingback: 【Nia箍牙|隱適美】Vol.24 發現骨釘鬆了 拆骨釘會痛嗎？ | nianiawuu
Pingback: 【Nia箍牙|隱適美】Vol.23 被肺炎怠慢進度 等了兩個月才有新牙套 | nianiawuu
請問你裝Attachments 會有茶垢卡在上面嗎？謝謝。我每天喝咖啡Attachments都黑黑的不好看
我不會有茶垢呢，可能我不常喝茶所以沒有這種情況😁唯一解決方法只能少喝一點吧🥺
我剛剛戴了第一套，暫時感覺良好，下星期就要上attachments，好擔心好驚。你完成了全程嗎?
唔駛驚呀，上attachments其實好簡單架咋，係我唔好彩啫😆
我未完成呀，暫時戴完第一階段，而家等緊微調階段既牙套🦷
加油呀
係囉，所以睇完你寫好有同感~😂
無錯，習慣左就好，大家都要加油~
你好呀，我箍隱適美1個月了，幾中意你寫既，好詳細~上星期我都上左attachment,右邊大牙上下牙咬野又係好似有野頂住咁，每次食野都覺得好攰埋，我都有諗過如果唔洗食野或者有野可以吸左就飽就好喇😅
😂😂😂估唔到有人同我一樣會有咁既諗法呀！真係一模一樣😆✋🏻合唔埋個口個一刻真係接受唔到⚡️💥
不過開始係最難捱既，就當係一種體會，一生人一次😂過多一排就應該好啲架喇💪🏻💪🏻
如果你一直都頂住既話，記得下次覆診問下醫生👨🏻⚕️
係囉，所以睇完你寫好有同感~😂
無錯，習慣左就好，大家都要加油~
Pingback: 【Nia箍牙|隱適美】Vol.19 如何清潔牙套? 隱適美清潔用品及步驟分享 – nianiawu
Pingback: 【Nia箍牙|隱適美】Vol.11 隱適美1個多月進度+感想：第3副已經見到少少改變! 有瘦?! – nianiawu
Pingback: 【Nia箍牙|隱適美】Vol.5 隱適美牙套開箱！(附加注意事項) – nianiawu
Pingback: 【Nia箍牙|隱適美】Vol.8 話口未完就甩左3粒Attachments – nianiawu