磨牙

上次拎完牙套之後，接連既兩個星期就係剝牙既日子。我分開左兩次剝，可以話係一次天堂一次地獄。 細個對剝牙有好大恐懼，覺得好痛好驚好恐怖。小學有次去牙科保健要剝牙，我驚到係牙科治療椅上面嘔，諗返起都覺得尷尬。 長大左之後，智慧齒既出現令自己不得不再次面對剝牙既恐懼。我2018年剝左上面兩隻智慧齒，先發現剝牙並唔係自己印象中咁可怕既事。