牙線

終於都完成左10副牙套，身邊既朋友都睇得出有分別。不過條路仍然好漫長，皆因仲有48副要戴...我諗起都驚，而且而家仲要係第一階段(最多有四個階段)。 不過而家每戴一副都感覺到少少既改變，真係會feel到咬合有唔同左。

呢排香港發生既事，實在令我做咩都冇心機。每日不停update新聞，睇到好攰但係又忍唔住不停refresh，一路睇一路好擔心，個人好似就黎抑鬱咁。 講返箍牙進度，而家已經戴左兩個幾月，目前戴緊第9副牙套，每日戴22小時或以上，每副牙套戴8日。

開始戴牙套已經有一個多月，感覺呢段時間發生左好多野。由熟習戴第一副牙套、經歷剝牙、正式裝attachments、正式戴牙套、學習打理牙套，到而家已經習慣左，原來成個過程都只係一個多月。

話說自己一直有固定幫襯開一位牙醫睇牙，半年前預約左返黎洗牙，所以早幾日就去見左呢位牙醫喇。而呢位牙醫就係之前建議過我剝左上排入面隻牙既牙醫。